Bash bet>>Xewer Merkizi>>Muhim Xewerler
Shi jinping yer shari ayal bashliqlar yighinigha qatnashti hemde riyasetchilik qildi
Tehrir:Élnure rehimbeg     Menbesi:Junggo uyghurche radiyo tori     Yollan'ghan waqit: 2019-03-19

 

junggo uyghurche radiyo tori 28-séntebir béyjing xewiri:

dölet reisi shi jinping shu jay waqti tönügün niyu yorktiki birleshken döletler teshkilatining bash orginida yer shari ayal bashliqlar yighinigha qatnashti hemde riyasetchilik qildi. U yer shari ayallar ishliri we birleshken döletler teshkilati ayallar mehkimisining xizmitini qollash üchün, junggo birleshken döletler teshkilatining ayallar mehkimisige 10 milyon amérika dolliri iane qilidu, dep jakarlidi.

reis shi jinping, birleshken döletler teshkilatining bash katipi bankémon qatarliqlar teng meydangha kirip keldi. Yüzge yéqin dölet rehbirimu ilgiri kéyin bolup meydangha kirip keldi, nurghun kishi sehnige kélip reis shi jinping bilen qol éliship salamlashti.
shi jinping mundaq dep körsetti: birleshken döletler teshkilati qurulghanliqining 70 yilliqi, béyjing dunya ayallar yighini échilghanliqining 20 yilliqi yétip kelgen peytte, yer shari ayal bashliqlar yighinini ötküzüshning ehmiyiti zor. Ayallar ijtimaiy tereqqiyat we algha ilgirileshke türtke bolidighan muhim küch. Ayallar azat bolmisa we tereqqiy qilmisa insanlarning azatliqi we tereqqiyati bolmaydu.

dawamliq tirishish arqiliq, ilgiri oylapmu baqmighan nurghun arzular réalliqqa aylandi. Yer shari boyiche 143 dölet qanun chiqirish arqiliq er ayal barawer dep éniq békitti, nöwette ayallarning siyasiy iqtisadiy paaliyetlerge qatnishishida tosalghu yoq, ayallarning maariptin behriman bolushi, toylishish erkinliki, kesip erkinliki qatarliqlar jemiyette ortaq tonushqa aylandi.

shi jinping shuning bilen bir waqitta yene munularni bildürdi: dunyagha nezer salsaq, her qaysi dölet her qaysi rayonlarda ayallarning tereqqiyat sewiyesi yenila tengpungsiz bolmaqta, er ayallarning hoquq, purset, bayliq teqsimati yenila tekshi emes, jemiyette ayallarning yoshurun iqtidari, qabilyiti, töhpisige bolghan tonush yenila yétersiz bolmaqta.

hazirgha qeder ayallargha qaritilghan türlük shekildiki kemsitish yenila mewjüt, xorlash hetta ayallarni nabut qilish ehwalliri yenila daim yüz bérip turmaqta, emeliyet shuni ispatlidiki er ayallar barawer bolushni ishqa ashurush üchün yenila ghayet zor tirishchanliq körsitishke toghra kélidu, biz ayallar ishlirining tereqqiyati üchün boshashmay tirishchanliq körsitip daghdam yol échishimiz kérek.

shi jinping er ayallar barawer bolush we ayallarning omumyüzlük tereqqiyatini ilgiri sürüsh toghrisida teshebbusnamini otturigha qoydi. Bu ayallar we iqtisadiy ijimaiy ishlarning teng qedemde tereqqiy qilishini ilgiri sürüsh, ayallargha qaritilghan kesipiy maarip we ömürlük terbiyeni tereqqiy qildurush, ayallargha qaritilghan barliq shekildiki zorawanliqni tügitish, ayallarning tereqqiyatigha tosalghu bolidighan qalaq qarash we kona örp-adetlerni buzup tashlash, ayallarning siyasiy iqtisadiy paalietlerge qatnishish iqtidarini ashurush qatarliqlarni öz ichige alidu.

junggoning emeliyiti shuni ispatlidiki ayallarning ijitimaiy iqtisadiy paaliyetlerge qatnishishini ilgiri sürüsh ayallarning ornini ünümlük östüridu, ijtimaiy ishlepchiqirish küchi we iqtisadiy hayati küchini zor derijide ashuridu.
shi jinping yighinda yene junggoning bir muhim qararini jakarlidi.

yer shari ayallar ishliri we birleshken döletler teshkilati ayallar mehkimisining xizmitini qollash üchün, junggo birleshken döletler teshkilati ayallar mehkimisige béyjing xitabnamisi we heriket programmisini emeliyleshtürüshke medet bérish, 2015-yilidin kéyinki tereqqiyat qaralmisining alaqidar nishanlirini emeliyleshtürüshke ishlitishke 10 milyon amérika dolliri iane qilidu.

shi jinping shuning bilen bir waqitta munularni bildürdi: bundin kéyinki besh yilda, junggo tereqqiy qiliwatqan döletlerning "ayallarning saghlamliqi toghrisidiki 100 qurulush" we "köngüllük mektep qurush toghrisidiki 100 qurulush" ni yolgha qoyushigha yardem béridu, tereqqiy qiliwatqan dölettin 30 ming ayalni junggogha kélip terbiyelinishke teklip qilidu hemde shu jaygha 100 ming, ayal kesipiy téxnik terbiyelep béridu.

gérmaniye zunglisi mérkél, biraziliye zungtungi rosséf, fransiye zungtungi hollandi qatarliq yighinda ilgiri kéyin bolup söz qildi, yighingha qatnashqan wekiller yer shari ayallar tereqqiyat qaralmisini chöridep pikir almashturdi, ular junggo hökümiti bilen birleshken dölet teshkilatining birliship ötküzgen bu qétimqi bashliqlar yighini intayin muhim. Her qaysi döletler boshashmay tirishchanliq körsitip ayallarning bixeterliki we izzet hörmiti, zorawanliq dexli terüzige uchrimasliqigha heqiqiy kapaletlik qilish, qiz balilarning maariptin behriman bolush hoquqigha kapaletlik qilish; Ayallarning iqtisadi ijtimaiy paaliyetlerge omumyüzlük, barawer qatnishishini balduraq qolgha keltürüsh kérek déyishti.

shu küni chüshtin kéyin, reis shi jinping kilimat özgirishi mesilisi rehberler chüshlük xizmet ziyapitige qatnashti, bir qanche meydan ikki tereplik uchrishish paaliyitige qatnashti. Shu jay waqti 28-séntebir chüshtin burun yeni béyjing waqti kech saet 11 de reis shi jinping birleshken döletler teshkilatining adettiki munazirisige qatnishidu hemde söz qilidu, xelqara tertip we qélip, yer sharining tereqqiyati we uni tizginlesh qatarliq zor mesililer heqqidiki köz qarishi, teshebbusini sherhileydu hemde junggoning ortaq tereqqiyatni ilgiri sürüsh, birleshken döletler teshkilati we köp terepizimni qollash qatarliq jehetlerdiki zor tedbirlirini jakarlaydu.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene