Bash bet>>Xewer Merkizi>>Muhim Xewerler
Xelq qehrimanlirigha gül séwet teqdim qilish murasimi daghdughiliq ötküzüldi
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-09-30

 

junggo uyghurche radiyo tori 30-séntebir béyjing xewiri:

inqilabiy qurbanlar xatire künide xelq qehrimanlirigha gül teqdim qilish murasimi 30-séntebir chüshtin burun tyenenmin meydanida daghdughiliq ötküzüldi. Partiye we dölet rehberliridin shi jinping, li kéchyang, jang déjyang, lyu yünshen, wang chishen, jang gawlilar paytexttiki her sahe wekilliri bilen bille murasimgha qatnashti.

tyenenmin meydanida qipqizil bayraq jewlan qildi, rengga-reng güller poreklep échildi. Meydanning otturigha tizilghan "wetenge bext tilesh" témisidiki chong gül séwet xatirjemlikke, inaqliqqa simiwol qilinghan. Meydanning jenubidiki junggo xelqining yapon basqunchilirigha qarshi urushi we dunya fashisizimigha qarshi urushi ghelibisining 70 yilliqini tebriklesh yighini üchün mexsus yasalghan seddichin sépili asasiy témisidiki güllük wetinimizning heywetlik, güzel tagh-deryalirini namayen qilip turatti. Paytexttiki her sahe wekilliridin texminen 3000 kishi güllerni tutqiniche xelq qehrimanliri xatire munari aldida retke tizilip sükütte turdi. Ular arisida chachliri uchtek aqarghan pishqedem jengchiler, pishqedem yoldashlar, inqilabiy qurbanlar aile tewebiatliri, merkiziy partiye mektipide oquwatqan 200 din artuq nahiyelik partkom shujisi, jushqun yash oqughuchilar we ösmür balilar bar.

saet 10 bolay dégende, shi jinping, li kéchyang, jang déjyang, lyu yünshen, wang chishen, jang gawli qatarliq partiye we dölet rehberliri tyenenmin meydanigha kélip, xelq qehrimanlirigha gül teqdim qilish murasimigha qatnashti.

junggo xelq azadliq armiyesi orkéstirining kanaychisi "murasim burghisi" ni orunlidi. Burgha sadasi yiraq-yiraqlargha tarap, kishilerge eshu qaynam-tashqinliqqa chömgen tarixiy yillarni esletti.

saet del 10 da, xelq qehrimanlirigha gül teqdim qilish murasimi resmiy bashlandi. Herbiy orkéstir "pidaiylar marshi" ni orunlidi, shi jinping qatarliq partiye we dölet rehberliri her sahe wekilliri bilen bille jungxua xelq jumhuriyitining dölet shéirini orunlidi.

dölet shéiri orunlinip bolghandin kéyin, hemmeylen sükütte turup, junggu xelqining azadliq ishliri we jumhuriyetning qurulush ishliri üchün hayatini teqdim qilghan qehrimanlargha sükütte turup teziye bildürdi.

teziye bildürüsh ayaghlashqandin kéyin, yash-ösmürler xelq qehrimanliri munarigha yüzlinip, junggo pionérlar marshini oqughach, ong qolini égiz kötürüp, etret salimi berdi.

chasa etret aldida, junggo kompartiyisi merkiziy komitéti, memliketlik xelq qurultiyi daimiy komitéti, gowuyüen, memliketlik siyasiy kéngesh, merkiziy herbiy ishlar komitéti, her qaysi démokratik partiye guruhlar, memliketlik soda-sanaetchiler birleshmisi we partiye-guruhsiz erbaplar, her qaysi xelq teshkilatliri we her sahe ammisi, pishqedem jengchiler, pishqedem yoldashlar we inqilabiy qurbanlarning aile tewabiatliri, junggo pionirlar etriti teqdim qilghan toqquz chong gül séwet qatar tizilghan. Gül séwetke chigilgen qizil léntigha "xelq qehrimanliri menggü hayat" dégen altundin hel bérilgen xetler yézilghan idi.

herbiy orkéstirning "gül teqdim qilish muzikisi" ni orunlishi bilen, 18 murasim eskiri gül séwetni kötürüp, xelq qehrimanliri xatire munarigha asta-asta yéqinliship, gül séwetni xatire munarining astigha qoydi.

shi jinping qatarliq partiye we dölet rehberliri ularning arqisidin méngip, xatire munarining eng üstünki tegliki aldigha kélip, sükütte turdi.

shi jinping salmaq qedem bilen aldigha ötüp, gül séwetning léntisini inchikilik bilen tüzidi. Arqidin, shi jinping qatarliq partiye we dölet rehberliri salmaq qedem bilen egip ötüp, xelq qehrimanliri xatire munarigha éhtiram bildürdi.

yash ösmürler we her sahe wekillirimu ret tertipi boyiche xelq qehrimanliri munari aldigha kélip, gül teqdim qilip, xatire munarigha éhtiram bildürüp, enqilabiy ejdatlarning japaliq küresh tarixini eslep, ulugh wetinimizdiki ghayet zor özgirishlerni hés qildi.

junggo kompartiyesi merkiziy komitéti siyasiy byurosining ezasi, béyjing sheherlik partkomning shujisi go jinlong gül séwet teqdim qilish murasimigha riyasetchilik qildi.

béyjingdiki junggo kompartiyesi merkiziy komitéti siyasiy byurosining ezaliri, merkiziy komitét shujichusiing shujiliri, memliketlik xelq qurultiyi daimiy komitétining bir qisim muawin bashliqliri, dölet komissarliri, aliy xelq sot mehkimisining bashliqi, aliy xelq teptish mehkimisining bash teptishi, memliketlik siyasiy kéngeshning bir qisim muawin reisliri, merkiziy herbiy ishlar komitétining bir qisim ezaliri murasimgha qatnashti.

merkezning munasiwetlik partiye, hökümet, armiye, ammiwiy tarmaqliri we béyjing shehirining asasliq mesulliri, her qaysi démokratik partiye guruhlar merkiziy komitétliri, memliketlik soda-sanaet birleshmisining mesulliri, partiye-guruhsiz erbaplar wekilliri, paytexttiki her sahe ammisi wekilliri qatarliqlar gül séwet teqdim qilish murasimigha qatnashti.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene