mayk wallis
wallisning yoldash déng shyawpingni ziyaret qilghan waqti
amérikining dangliq téléwiziye riyasetchisi mayk wallis amérika waqti 7-aprél kechte amérikining konnéktikat shitatidiki bir sanatoriyede 93 yéshida alemdin ötti. Wallisning alemdin ötüshi amérika taratqu saheside zor tesir qozghidi. Wallis 1918-yili 5-ayning 9-küni massachussis shitatidiki köchmen ailiside dunyagha kelgen. Uning 50 yash mezgilliri kespte eng netije qazanghan waqti hésablinidu. Amérika kolumbiye radiyo shirkitining dangliq xewerler programmisi "atmish minut" ni wallis wujudqa keltürgen hemde 40 yil mushu programmining Riyasetchisi bolghan. Wallis yérim esirdin köprek kespiy hayatida nurghun dölet rehberlirini, jemiyettiki dangliq erbablarni ziyaret qilghan Hetta setchilikte qalghan dangliq kishilernimu ziyaret qilghan, kénnidi, nikson, kat, régan, chong bosh qatarliq amérika pirézidéntliri, kastiro, arafat, kazafi qatarliq chetel rehberlirinimu ziyaret qilghan. 2006-yili pinsiyege chiqqan. u kespiy sewiyisining yuqiriliqi we xewerge bolghan sezgürliki bilen, özi bilen "60 minut" programmisini amérikidiki hetta dunya axbarat sahesidiki bir yarqin nuqtigha aylandurdi. Wallisni xatirlesh üchün, kolombiye radiyo shirkiti yéqinda "60 minut" alahide programmisini ishlidi. Junggodimu wallisning nam shöhritini bilidighanlar xéli köp. Aldinqi esirning 80-yillirida islahat, ishikni échiwitish qedimini yéngidin basqan junggogha gherblikler nahayiti qiziqiwatatti. 1986-yili wallis iltimas qilip déng shyawpingni ziyaret qilish pursitide érishken. Wallis-yoldash déng shyawpingni tunji qétim ziyaret qilghan shundaqla birdinbir qobul qilghan gherb muxbiri. Wallis jungnenxeyde ding shyawpingdin 20 nechche sual soridi, déng shyawpingmu birmu bir jawab berdi. 2000-yili wallis béydeyxéda jyang zéminni mexsus ziyaret qilghan. U kespiy hayatida nurghun shan-shereplerge érishken. U téliwiziye filimliridiki eng dangliq mukapat émmi mukapatigha 19 qétim érishken.
wallisning ziyaret uslubi heqiqetenmu özgiche, u Ziyaret qilinghuchi bilen xuddi nahayiti yéqin tonushlardek parangliship, her qétim özining ziyaret meqsitige yételeydu. U riyasetchilik uslubida tilining ötkürliki, gumani suallarni sorishi bilen dang qazanghan, lékin bezide u bu alahidiliki bilen bashqilarning tenqidige uchrighan. Lékin u bulargha pisent qilmidi, uning ziyaret jeryanidiki ushtumtut zebe bérish uslubi dunyagha dangliq. U programmisida her nöwetlik amérika pirézidéntlirini ziyaret qilghan, peqet kichik boshla uning ziyaritini qobul qilmighan. Uning yene bir alahidiliki shuki, u Bezide tamaka chekkech bashqilarni ziyaret qilidu, uning sualliri tamaka isidek ötkür bolup, amérika taratqu saheside zor bösüsh hasil qilghan, shunga u amérikining taratqu atisi bolup, hemmeylenning hörmitige sazawer bolghan.
amérika kolumbiye radiyo shirkiti 8-aprél wallisning alemdin ötkenlik xewirini élan qilghandin kéyin, herqaysi chong taratqularda u toghriliq xewerler üzülmidi. Nyuyork waqit géziti wallisini eng dangliq radiyo muxbiri dep teriplidi. CNN ning obzorida wallis axbarat sahesidiki gigant adem dep teriplendi.
