öt xaltisi kala ténidiki muhim ezalarning biri bolup, kalining öti tötinchi derijilik quruq issiq xususiyetke ige. Uning organizimgha bolghan tesiri nahayiti téz bolup, térini siliqlap, qan tomurlardiki tosalghularni achidu. Közdiki aqni yoqitip, közdin yash éqishni hem yötelni toxtitidu. Shunga, yash, saghlam, yéngi soyulghan kala ötini alyumin qachigha élip, üchtin bir qismi qalghiche pes otta qizdurup su terkibini pargha aylandurghandin kéyin, üstige normal miqdarda sap ispirt qoyup, eynek botulkigha qachiliwélip chayqap, andin 20 minut etrapida tinch qoyup tindirilidu. Tinma üstidiki suyuqluq ayrim qachigha élip paydilinidu. Astidiki tinma maddini péltir qeghez bilen süzüwélip, üstige yene ispért qoyup, aghzi ochuq chong botulkida saqlinidu. Terkibidiki ispirt pargha aylinip tügigendin kéyin, astidiki tinmini ayrim élip qurutup, belgilik bir shekilge keltürüp, dora ornida ishlitilidu. U ichki ezalarni yumshitish, quwwetlendurush, qanni tazilash jehetlerde doriliq roli nahayiti yuqiri bolghandin sirt, hezim qilish iqtidari ajiz bimarlar az miqdarda ichip berse, ötni quwetlendurup, hezim qilishni yaxshilap, bedenni küchlendürüshke paydiliq.
