amérikiliq er wéshir 2006-yili ajriship ketkendin kéyin, bir qétimliq "qaramliq qilish" ni könglige pükken, yeni u burnini opératsiye qilishni oylashqan. Kütülmigen yerdin u bashtin-axir awarichiliqqa uchrighan, shuning bilen bir nechche yildin kéyin, u bir qanche qétim burnini opératsiye qilishqa mejburi bolghan. Eng axiri bextke qarshi, bir qétimliq opératsiyide, doxtur uning burnini pütünley késip éliwetken. Doklatqa asaslanghanda, wéshir 2006-yili ajriship ketkendin bashlap burnini opératsiye qilishqa bashlighan. Axbarat wasitilirining doklatigha asaslanghanda u opératsiye qilghan doxtur bolsa amérikidiki "dangliq" doxturlardin bolup hésablinidiken. Emma birinchi qétimliq opératsiyidin kéyin wéshirning nepes sistémisida mesile körülüshke bashlighan. Shuning bilen teng, u bir yilning ichide yette sekkiz qétim opératsiye qilish arqiliq birinchi qétimliq opératsiyide saqlanghan mesililerni hel qilmaqchi bolghan.
bir qétimliq opératsiyining aldida, wéshirning körsitishiche, u doxturning quliqining üstidiki kömürchek söngekni élip burnigha ishlitishini ümid qilmaydiken. Emma doxtur axiri shundaq qilghan. Eng kélishmeydighan yéri bolsa, eng axiri bir qétimliq opératsiyide doxturning wéshirning qowurgha söngikidin kömürchek söngek alghan, uning sewebi bolsa uning quliqining kömürchek söngekliri yétishmey qalghan.
eng axiri, wéshir 2011-yili bir qétimliq "kélishmigen" opératsiyini kütüwalghan. U opératsiye waqti uning mesliki yéshilip ketken, shuning bilen teng u burnining pütünley késilip ketkenlikini körüp qattiq heyran qilghan. Buninggha nisbeten, doxturning körsitishiche, wéshirning burni shu waqitlarda yuqumlinip qalghan hemde u opératsiye jeryanida hoshigha kélip, opératsiye jeryanidiki eng axirqi qararni "jezmleshtürgen". Eng axirida, wéshir doxturning üstidin erz qilghan. Biraq, bu waqitta wéshir yenila burni yoq bolushtek bu qabahettin toluq qutulup kételmigen. Shuning üchün wéshir axiri "köp qétimliq opératsiye" arqiliq burnini ongshimaqchi bolghan. U "men hergizmu bundaq adem bolup qalsam bolmaydu, bundaq yashighandin ölgen yaxshi" dégen.
