Bash bet>>Kocha parangiliri
Braziliye dunya longqisi musabiqe mezgilide mingdin köprek adem qatnash weqeside qaza qildi
Tehrir:Gülbehrem muxtar     Menbesi:Junggo uyghurche radiyo tori     Yollan'ghan waqit: 2014-07-16

 

shu yer waqti 7-ayning 13-küni, braziliye fédératsiye tashyol qatnash saqchi idarisi élan qilghan bir guruppa sanliq melumatta körsitilishiche, braziliye dunya longqisi musabiqisi mezgilide, yeni 5-ayning 23-künidin 7-ayning 13-künigiche bolghan mezgilde, jemiy 1085 adem tashyol qatnash weqeside hayatidin ayrilghan. Braziliye fédératsiye tashyol qatnash saqchi idarisining ashkarilishiche, dunya longqisi musabiqisi mezgilide, braziliye chégrisi ichidiki tashyol (sheher yollirini öz ichige almaydu) jemiy 21256 qétim qatnash weqesi yüz bérip, 11842 ademning yarilinip, 1085 ademning qaza qilishini keltürüp chiqarghan. Buningdin bashqa 1022 neper shopur haraq ichip mashina heydigenliktin qolgha élinghan.

braziliye fédératsiye tashyol qatnash saqchi idarisi braziliyining argéntina, chilé we méksika bilen bolghan chégra rayonidiki tashyol qatnash ehwali nahayiti qistang, chetellik sayahetchilerning köpiyishi élip kelgen qatnash krizisigha qarita, braziliye fédératsiye tashyol qatnash saqchi idarisi köpligen guruppilarni tesis qilip mexsus chetellik sayahetchilerning qatnash weqesini bir terep qildi, dep tekitligen. Melumatlargha qarighanda, bextke qarishi weqege uchrighan chetellik sayahetchiler ichide, ikki neper argéntinadin kelgen muxbirmu ikki qétimliq qatnash weqeside hayatidin ayrilghan. Buningdin sirt, braziliye fédératsiye tashyol qatnash saqchi idarisi yene dunya longqisi musabiqisi mezgilidiki qatnash weqesini ötken yili oxshash mezgildiki bilen sélishturghanda 20% töwenlidi dep ashkarilighan, ötken yili mushu mezgilde braziliye birleshme longqisi musabiqisi uyushturghan.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene