Bash bet>>Kocha parangiliri
Gérmaniyilik 325 kilogram kélidighan sémiz ayal kötürüsh mashinisi arqiliq doxturxanigha yötkeldi
Tehrir:Nuzigül imir     Menbesi:Junggo uyghurche radiyo tori     Yollan'ghan waqit: 2014-08-15

yéqinda gérmaniyining bérlin shehiridiki beden éghirliqi 325 kilogram kélidighan bir sémiz ayalning késili jiddiy qozghilip qalghan bolup, uni doxturxanigha apirip dawalitishqa toghra kelgen. Lékin bu ayalning heddidin sémiz kelgen bedinini ishiktin élip chiqish mumkin bolmay qalghan bolup, shuning bilen uni qutquzush üchün kelgen ot öchürüsh tarmiqining xadimliri axirida bu ayalning öyining témini buzush arqiliq uni öydin élip chiqishqa mejbur bolghan. Shu yer waqti 2014-yili 8-ayning 13-küni etigen saet yette yérimda, bérlin sheherlik ot öchürüsh tarmaqliri bir olturaq öy rayonigha qutquzush üchün yétip kelgen bolup, ular etigende 42 yashliq bir ayalning késilining qozghilip qalghanliqini, lékin uning bedinini ishiktin élip chiqishqa mumkin bolmaywatqanliqi toghrisidiki yardem telep qilish télifonini tapshuruwalghanidi. Shuning bilen neq meydangha yétip kelgen ot öchürüsh idarisining qutquzush xadimliri bu sémiz ayal yatqan yataq öyning dérizisini chuwup, andin mushu asasta uning yataq öyining témini chéqish arqiliq bu ayalni öydin élip chiqishni qarar qilghan.

axirida qutquzush xadimliri tam téshish üsküniliri arqiliq bu ayal yatqan yataq öyning témini ongushluq halda téship chiqqan hem chapchiliq kötürüsh mashinisi arqiliq bu ayalni karwiti bilen qoshupla öydin sirtqa élip chiqqan. Igellinilishiche, bu pütkül jeryanda birer kütülmigen ishning yüz bérip qélishidin saqlinish üchün dawalash xadimliri neq meydanda buyruq kütüp turghan bolup, axirida bu sémiz ayal ongushluq halda öyidin élip chiqilghandin kéyin jiddiy qutquzush mashinisi bilen doxturxanigha yötkelgen.

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene