amérika taratquliri xewirige qarighanda, amérika oxayu shitatliq saqchi terep xewiride éytilishiche, 2012 – yil üch sawaqdishini étip öltürüp, ömürlük qamaqqa buyrulghan, mektep hoylisidiki qatil ryan türmidin qéchip ketken. Hazir saqchi terep uni izdewatidu. Xewerde éytilishiche, 19 yashliq rayn yene bashqa ikki mehbus bilen birge qachqan. Hazir ularning ichidiki bireylen tutuldi. Lima shehiridiki saqchi bashliqi gérlin mundaq dédi, hélihem qéchip yürgen bu ikki mehbus bek xeterlik, biraq saqchi terep ularda qoral bar dep qarimaydiken. Xewerde éytilishiche, saqchi terep qéchip yürgen yene bir kishining salahiyitini éniqlighan, bu kishi 45 yashlar chamisidiki er mehbus bolup, bulangchiliq, öyge kirip oghriliq qilish we tutqun qilish qatarliq jinayet bilen türmige qamalghan iken. Ularning türmidin qandaq qachqanliqi hazirche saqchi terepke anche éniq emes. 2012–yil 2–ayda, oxayo shitati kliwlen etrapidiki charlton toluq ottura mektipide qoralliq oq chiqirish délosi yüz bergen idi, ryan mektep ashxanisida oq chiqirip, sawaqdashlirini atti, axirida üch kishining ölüp kétishini keltürüp chiqardi. 2013 – yil, ryan jinayitini tonup, ömürlük qamaqqa mehkum qilinghan idi.