Bash bet>>Kocha parangiliri
Rusiye taratquliri "gitlér xanqizi" bahalap, ammining naraziliqini qozghidi
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-10-22

 

"2014–yilliq gétlir xanqizi" güzellerni tallash paaliyitige qatnashquchilar

méksika "azték xewerliri" radiyo istansisining 20– öktebir xewer qilishiche, yéqinda, rusiye ijtimaiy alaqe tor békiti VKontakteta ötküzülgen "2014 – yilliq gitlér xanqizi" güzellerni tallash musabiqisi tordashlarning küchlük naraziliqini qozghighan.

bu musabiqini bir yéngi natsistlar guruhi ijtimaiy alaqe tor békiti VKontakteta qozghighan. Ularning musabiqe ötküzüshtiki meqsiti natsistlarni himaye qilidighan, yehudiylargha öch güzel ayallarni izdesh iken. Musabiqe telipi bolsa musabiqige qatnashquchi özining bir parche süritini torgha chiqirip, süret astigha özining natsistche xitabnamisini yézip qaldurup, gitlérgha we gérmaniye 3 – impériyisige bolghan hörmitini bildüridiken. Tor abonitliri ulargha bélet tashlaydiken, érishken awaz sani eng köp bolghan mahir chémpiyon bolup bahalinip chiqidiken, ulargha bérilidighan mukapat buyumi bolsa bir tal ünche merwayit béziki iken.

"azték xewerliri" radio istansisi engliye "kündilik pochta géziti" xewirini neqil keltürüp mundaq dep körsetken, hazir, 14 neper ayal bu qétimqi güzellerni tallash musabiqisige qatnashqan, ular rusiye we sherqiy yawropa elliridin kelgen.

"2014 – yilliq gitlér xanqizi" güzellerni tallash musabiqisining ammiwi bash tor békitide, aldinqi rette turudighan, shu musabiqige qatnashqan bir ayal özining süriti astigha mundaq söz qaldurghan: "milletning perqi tashqi körünüshidinla emes belki yene uning eqil idrakdimu gewdilinidu". Mushundaq natsist puriqi küchlük bolghan gepler bir qisim tordashlarning qattiq tenqidige uchrighan.

bu güzellerni tallash musabiqisi twittér qatarliq ijtimaiy alaqe tor béketliride tordashlarning ghulghula qilishini qozghighan. "andru giros" isimlik bir tordash mundaq dégen: "gitlér xanqizi güzellerni tallash paaliyiti bir agahlandurush, bu paaliyet bizge hazirqi jemiyettimu yehudiylargha qarshi idiyening mewjut ikenlikini eskertip béridu, biz bu xil ishlargha qarshiliq körsitishimiz kérek". "miliyam stok" isimlik bir tordash mundaq dédi: "bu néme dégen setchilik, nedimu mushundaq musabiqe uyushturghan bar?". "dimos jonés" isimlik bir tordash mundaq dégen: "mushundaq musabiqige qatnishidighan ademlermu barkine? Bu éniqla yéngi natsisizmghu!".

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene