Bash bet>>Kocha parangiliri
Dunyadiki toy qilishtin ghem yémeydighan kishiler qeyerde?
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-12-10

 

ali baba "boytaqlar bayrimi"ni mal sétiwélish bayrimigha özgertiwetkenliktin nurghun kishiler bu küni tordin erzan bahada mal sétiwélip xushal bolghan bolsimu biraq bu junggodiki boytaqlarning toy qilish ghémidin qutulghanliqidin dérek bermeydu. Eksiche, junggoda nurghunlighan kishiler mushu toy qilish ishida éghir ghem yeydu. 2010-yilidiki statistikigha qarighanda memlikitimizdiki 30 yashliqlar ichide 11% ayal, 20% er téxi toy qilmighan.

emeliyette junggoluqlarning toy endishisi unchiwala küchlük emes, junggo nopus parawanliq fondning tekshürüsh doklatida körsitilishiche, dölitimizdiki 38.2% er, 41.1% ayallar 30 yashta toy qilghanni kéchikip toy qilghan dep qaraydighan bolup, ularning bu qarishi qanunda belgilengen kéchikip toy qilish yéshidin xélila perqliq.

gerche biz "olturup qalghan qiz" (aypatem) dep atashni qollimisaqmu biraq bu doklatta yenila köpchilikning qizlar nechche yashtin ashsa aypatem bolidu dégendek qarashliri otturigha qoyulghan bolup, 66.6% ayallar qizlar 30-35 yashqiche bolghan qizlarni aypatem dése bolidu dep qarighan, 81.5% erler 30 yashtin ashqan qizlarni aypatem déyish kérek dep qarighan.

qéri yigitlerge qarita beziler 35-40 yashqiche toy qilmighanlarni déyish kérek dése beziler 30-35 yashtiki yigitlerni déyish kérek dep qarighan.

dunyadiki boytaqlar eng köp rayonlar yawropaning shimali we gherbi qismi bolup, ilgiri iqtisadi hemkarliq we tereqqiyat teshkilati (OECD)bu rayondiki tereqqiy tapqan 34 döletke qarita tekshürüsh élip barghan.

bu döletlerdiki 20 yashtin ashqan boytaqlarning omumi nopusta igiligen nisbiti oxshash emes, yeni daniyede eng köp bolup 24.1% , firansiyede 22%, finlandiyede 19.6%, bélgiyede 19.5%. Boytaqlar nisbiti eng töwen bolghini türkiye bolup, türkiyediki toy qilish yéshidiki kishiler ichide peqet 3.9% ademla boytaq, amérikida 13.4% adem boytaq.

melum tetqiqat merkizining élan qilghan sanliq melumatida körsitilishiche, amérikiliqlarning otturiche toy qilish yéshi erlerning 29 yash, ayallarning 27 yash bolup, hazir amérikiliqlar ichide toy qilmaydighanlarning sani barghanséri ashmaqta, elwette toy qilmighanliq yalghuz turush dégenlik emes, bularning ichide nurghunlirining hemrahi bar, shundaqla nikahsiz tughulghan balilirimu bar.

doklatta kishilerning toy qilmasliqi yaki kéchikip toy qilishi iqtisadi kasatchiliq bilen munasiwetlik dep körsitilgen.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene