Bash bet>>Kocha parangiliri
Toylishish munasiwitidiki eng xeterlik üch basquch
Tehrir:Méhrigül xudaberdi     Menbesi:Shinjang qanunchiliq géziti     Yollan'ghan waqit: 2019-03-12

 

ikki yash yéngi toylishish turmushini bashlighanda béshning bash, ayighining tash bolushini arzu qilidu, qismen er-xotunlar heqiqetenmu arzusi boyiche bir ömür bille ötidu, biraq yene bir qisim er-xotunlar kélishelmey, toylishishini dawamlashturushqa amalsiz qalidu. Emeliyette er-xotunlarning toylishish turmushida üch xeterlik basquch bolidu, mushu basquchtin ötüpla ketse, toylishishi mustehkemlinidu.

1. Toy qilghan tunji yili. Qiz -yigit toydin kéyin ailining eng chong hoquqini talishish üchün yoshurun élishidu, bir-birining turmush aditige könelmey biaram bolidu, qarshi terepning yétersizlikini körüp pushaymanmu qilidu. Xotuni hamilidar bolghandin kéyin qismen erler talagha qarap qalidu, mana mushu sewebler tüpeyli toylishish buzulidu.

2. Toydin kéyinki üchinchi yili. Qiz bilen yigit qaynaq muhebbitning küchide toydin kéyinki tunji yilini muweppeqiyetlik ötküzüwalghan bolsa, undaqta yat jinislarning yéngiliq tuyghusining muhebbetke tereqqiy qilip taki bir-biridin zérikidighan waqtining aranla üch yil bolidighanliqini obdan biliwélishi kérek, yeni er-xotun toy qilghandin kéyin bir-birige yol qoyush, keng qorsaq bolushni öginiwélishi, bir-birige bihude azar bérishtin saqlinishi kérek, undaq bolmaydiken, üch yil berdashliq bergen toylishishning muhebbet puriqi yoqap, ikki terepni azabqa duchar qilidu.

3. Toydin kéyinki yettinchi yili. Er-xotunning toylishishi yettinchi yiligha ulashqanda, turmushtiki ushshaq-chüshshek ishlar, xizmet bésimi, héssiyatning tedrijiy suslishish qatarliq sewebler tüpeylidin ilgiriki qizghinliqini yoqitidu. Er-xotunda taptin chiqish ehwali körülidu. Er-xotunlar bu mezgilde toylishishimni dawamlashturimen, deydiken, qarshi terepning xataliqini tutuwalghanda uni künboyi eyibleshning ornigha, ilgirikidinmu bekrek köngül bölüp, xataliqini tüzitiwélishigha purset bérishi kérek, shundaq bolghandila toylishish saqlap qélinidu. Mushu basquchni ötküzüwalghandin kéyin er-xotunning toylishishi asasiy jehettin muqim, saghlam tereqqiy qilidu.

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene